Euskadiko Gazteriaren Kontseiluak (EGK), Gasteizko Udalaren Gazteria Zerbitzuekin elkarlanean eta Eusko Jaurlaritzaren eta EHUren laguntzarekin, ‘Eta... GURE EMANTZIPAZIOA?’ Hiruburu jardunaldia antolatu du irailaren 29an. Bertan gazteak, politikariak eta teknikariak solasean arituko gara. 

Emantzipatzea gazte gutxi batzuek soilik eman dezaketen pausua da, luxu bat bailitzan, gizarteak etxebizitza oinarrizko eskubide bat dela ahaztu izan balu bezala. Gaur egun euskal gazteak 30 urteren bueltan emantzipatzen dira bataz-beste, eta etxebizitza merkatuak eta gazteon lan-baldintza prekarioek eragin zuzena dute honetan. Ezaguna egiten zaizu egoera hau? Alternatibak planteatzen lagundu nahi diguzu?

Euskadiko Gazteriaren Kontseiluak (EGK), Gasteizko Udalaren Gazteria Zerbitzuekin elkarlanean eta Eusko Jaurlaritzaren eta EHUren laguntzarekin, ‘Eta... GURE EMANTZIPAZIOA?’ Hiruburu jardunaldia antolatu du irailaren 29an. Bertan gazteak, politikariak eta teknikariak solasean arituko gara.

Jardunaldi honen helburu nagusia gazteon etxebizitza eta kalitatezko enpleguari buruzko profil ezberdinen iritzi eta esperientziak bilduz, gazteon emantzipazio egoera hobetzeko alternatiba errealak proposatzea da.

Gasteizko EHUko Unibertsitate Pabilioian izango da,irailaren 29an, arratsaldeko 18:00etan.