Datorren maiatzaren 19an, larunbata, kontsumitzen ditugun jakien jatorriaz mintzatuko gara, eta elikadura burujabetza eta tokiko ekoizpen agroekologikoa zer diren ikasiko dugu. Sei orduko ikastaroa izango da (10:30etatik 13:30etara eta 15:00etatik 18:00etara), eta Gasteizko  Simone de Beauvoir Elkarteen Etxean burutuko dugu. Izena ematea beharrezkoa da. Animatuko? Modu horretan jarraitzen dugu Balio Faktoriako elikagai justoen hilabetearekin.

Ikastaro honetan elikaduraren sektorean ditugun ekoizpen eta kontsumo eredu ezberdinak ezagutzera emango ditugu, desarrollismoak ekarri dizkigun aldaketen bitartez. Nola pasa gara lapikotik mikrouhinetara? Eredu intentsiboa eta agroekologiaren arteko ezbedintasunak aztertuko ditugu. Gainera, Via Campesinaren proposamena landuko dugu: Elikadura Subiranotasuna. Zer esan nahi du? Amaitzeko, nekazarien mugimenduaren estrategia, sare eta intzidentzia espazioez hitz egingo dugu, globaletik tokikora.

Isabel Álvarez Vispo, nekazarien biloba eta egurrezko maleten alaba, izango da formatzailea. Hezkuntza bereziko magisteritza ikasi zuen eta, ondoren, sustraietara itzulera bidaia egin du formazio ezberdinen bitartez: Elikadura subiranotasuna eta agroekologian aditua eta Agroekologian Masterra UNIA-n (Andaluziako Nazioarteko Unibertsitatean). Azken 15 urtetan Elikadura burujabetza eta kontsumo eraldatzailearen inguruan egin du lan. Gaur egun URGENCI (Red Internacional de Agricultura Sostenida por la comunidad) sarearen Intzidentzia Politikoaren arduraduna da eta lanean dihardu formazioa eskaintzen eta ekoizpen eta kontsumo sareen sortze prozesuak laguntzen.