UNESCO Etxeak, Garapenerako Lankidetzaren Euskal Agentziaren  laguntzarekin, "Garapen iraunkorrerako 2030erako Agendari buruzko sarrera. Pertsona eta planetarako plana" ikastaroa antolatu du, 2017ko ekainaren 19tik 30era izango da, 15 orduko iraupenarekin.

Materialak gaztelaniaz eta/edo euskaraz irakurtzeko aukera eskainiko zaie ikasleei.

Mundu osoko 150 lider baino gehiago izan ziren Garapen Iraunkorrari buruzko Nazio Batuen Biltzarrean, 2015eko irailean, 2015-2030 aldirako garapen iraunkorrari buruzko agenda handinahia ofizialki onesteko asmoz, Nazio Batuen 193 estatu kideek adostu ondoren.
Ban Ki-Moon Nazio Batuetako idazkari nagusiak adierazi zuenez, “agenda hau herrien agenda da, leku guztietako pobrezia behin betiko eta inor atzean utzi gabe desagerrarazteko, alderdi guztietatik”.

Garapen Iraunkorrerako 2030 Agenda eta Garapen Iraunkorrerako Helburuak Nazio Batuek onartutako garapen iraunkorrerako nazioarteko agenda berria da. Agenda honetan kontuan hartzen da pobreziarekin amaitzeko egoera ekonomikoa hobetuko duen eta gizarteko beharrizan batzuk aintzat hartuko dituen plangintza bat ere behar dela; hezkuntza, osasuna, babes soziala eta lanerako aukerak kontuan izango dituena, bai eta klima-aldaketa eta ingurumenaren zaintza ere. Beste zenbait gai ere biltzen ditu, hala nola desparekotasuna, azpiegitura, energia, kontsumoa, biodibertsitatea, ozeanoak eta industrializazioa.
Planeta osoan giza garapen iraunkorra erdiesteko tresna izatea du helburu, eta agenda martxan jartzeak herrialde guztien eta maila guztietako administrazioen parte-hartzea dakar, sektore pribatuarena, sektore akademikoarena, gizarte zibil antolatuarena eta herritarrena oro har.

Helburuak

• 2030 Agenda osatzen duten parte guztiak aztertzea
• 2030 Agendaren onespenera eraman duen nazioarteko prozesua eta  prozesu instituzionala ezagutzea
• 2030 Agenda giltzarri diren hainbat ikuspegitatik aztertzea, hala nola giza eskubideen, generoaren, kulturaren edo ingurumenaren alorretatik.
• Eztabaidatzeko, pentsamendu kritikoa lantzeko eta iritziak trukatzeko gune bati bide ematea.
• Profesionalek eta boluntarioek haien edukiak eta diskurtsoa lan-espazioan txertatzeko bidea erraztea.

Nori zuzenduta
Garapen Iraunkorrerako 2030 Agenda eta GIHak ezagutzeko interesa duten pertsona eta erakundeei, batez ere sektore sozialekoei, GGKEei eta ingurumen eta hezkuntzakoei.
Izena emandako pertsonak ikastarorako dauden plazak baino gehiago badira, lehentasuna emango zaie  Hegoko pertsonei, Hegoko  erakunde batean lan egiten dutenei eta mugimendu edo erakunde feministan parte hartzen dutenei.

Edukiak, metodologia, ebaluazioa eta izen-ematea

EZAUGARRI OROKORRAK

• Plaza kopurua: 30.
• Hizkuntza: Gaztelania eta euskara. (Ikasleek aukeratu ahal izango dute)
• Modalitatea: Sarekoa (moodle plataforma)
• Maila: Oinarrizkoa.
• Kostua: Doakoa.
• Iraupena: Martxoaren 12tik28ra. Ikastaroa osatzeko guztira 15 ordu beharko direla aurreikusten da.
• Izen-ematea: Martxoaren 7ra arte.
• Izen-emate orria: https://goo.gl/forms/1Lz8zlzvguqwAViM2
• Informazio gehiago: Aitana Uria a.uria@unescoetxea.org