Batzuetan, egiazkoak ez diren, errealitatean oinarritzen ez diren eta bizikidetzan eragin negatiboa duten komikiak, txutxumutxuak edo zurrumurruak kontatzen dizkigute... Baina mundu guztiak gauza bera kontatzen ez duenez, oraingo honetan ipuinak kontatuko ditugu. Ipuinok, lagunduko digute pertsona oro barne hartuko gaituen mundu bat irudikatzen, estereotipoak desmuntatzen, begirada kritiko eta eraikitzailea garatzen eta aniztasuna errespetatzen eta baloratzen. Izan ere, mundu honetan ipuin asko daude, pertsona adina, eta saio honetan guztiontzako lekua egongo da.
Te-topaketa emakume desberdinak elkartzeko leku bat da (jatorriak, adinak, kulturak, hizkuntzak, iritziak, pentsaerak, klase sozialak, sexu-identitatea, gorputz eta gaitasun dezberdinak…). Gasteizen bizitzeak batzen gaitu. Aniztasun hau balioesten, berdinkide bezala elkar-ezagutzeko eta baloratzeko elkartzen gara te-topaketan. Ikuspegi feministatik, gure interesak, beharrak, eta erkide dugun guztia deskubrituko dugu.