Gehienok armairuak jada janzten ez ditugun jantziez eta osagarriez beteta ditugu, txikiak geratu direlako, edo modan pasata daudelako. Jantzi horiei bigarren bizitza bat emango diegu. Joskintzaren oinarriak ikasiko ditugu, bai eskuz baita makinaz ere, eta, modu horretan, jantzi horiek hartuko ditugu osagarriak edo beste jantzi batzuk egiteko. Praka gona bihurtu ahalko dugu, gona poltsa, edota elastikoa kuxin.

Gure gizarteak gero eta terapia-zaleagoak dira, eta horrek pertsonaren ezinegonak jartzen ditu erdigunean. Mugimendu sozial asko, ordea, feminismoa batik bat, aspalditik dabiltza gogoetan, jakiteko ea nola egin daitezkeen zaintza-prozesuak kolektiboagoak. Nola moldatzen dira gure ongizateaz arduratzeko modu guzti horiek elkarbizitzan? Zer ideologia sozio-kultural daude atzean, eta nola lotzen zaizkio bata besteari?

Hainbat herrialdetako arte eszenikoetan, zirkuetan eta clownetan aritzen diren artistek ametsak partekatzen dituzte "Pallasos en Rebeldia" izeneko proiektuan; barrearen eta artearen bidez adierazten den espazioa nazioarteko elkartasunerako eta herrien arteko anaitasunerako.