Arabako Nekazaritza eta Abeltzaintza Ekologiakoaren Elkartea. 1993. urtean sortu zen elkartea gara, Nekazaritza eta Abelzaintza ekologikoa sustatu eta garatzeko helburuarekin.

Elkartearen helburua nekazaritza ekologikoa ekoizpen modelo bezala sustatzea da, izan ere gure etxaldeen etorkizunerako eta kontsumitzaile zein ingurugiroarekiko errespetua duen modeloa bait da. Onurarik gabeko elkarte bezala, nekazari, abeltzain, ekoizle eta kontsumitzaileek ematen diote bizia eta lana gure elkarteari, ingurumena babestu eta nekazari zein ekoizle artisauei babesa emanez. Elkarte soziala ere bagara, eta horregatik ez dugu bakarrik elikadura osasuntsu eta arduratsu bat nahi, baizik eta aldaketa soziala lortu nahi dugula gure lurraldean. Horregatik barne zein kanpo sentsibilizazioa da gure lehentasunetariko bat.