Malestamos. Cuando estar mal es un problema colectivo (2022, Capitan Swing) liburutik abiatuko da Marta Carmona osasun mentalari buruz hausnartzeko, sufrimendu psikikoaren sustraietara begiratuz eta arazoaren konplexutasuna saihesten ez duten konponbideak planteatuz. Izan ere, "ondoez" orokor horren irtenbidea ezin da izan arreta indibidualizatua; aitzitik, lanaren, biziraupen-eskubideen eta balio posmaterialei lotutako eskubideetara —autonomia, adierazpen-askatasuna, demokraziaren garapena eta abar— zabaltzearen eremuko esku-hartzeak zuzenean aipatzen ditu. Hau da, indibidualtasunaren hesia gainditzera eta osasun mentala ikuspegi kolektibotik birpentsatzera gonbidatzen gaitu Carmonak.