Neu Be Banabil, Zabalganako km0 lehen azoka irailaren 16an, ostirala, izango da. 17:00etatik 21:00etara, Bastida plazan, Vitoria-Gasteiz Hobetuz programatik datorren ekimen hau burutuko da.

Arratsaldearen zati batean, 16:00etatik 20:00etara, Berrerabili-Reutilizagunea Bastida plazan jarriko da, bertaratzen diren pertsonek utzitako objektuak ikusi eta bigarren erabilera bat eman diezaieten.

Neu Be Banabil ekimenak bi ardatz ditu: bata, Zabalganako bizitza dinamizatzeko hurbileko azokarena, eta, bestea, auzoan bertan garatuko den kultur eskaintzarena.

Azoka

Merkatu-eremuan, Zentzuz

, bidezko merkataritzaren eta kontsumo arduratsuaren Gasteizko sarea, Urbide, saski ekologikoen antolatzaileak eta Slow Food

, mahaitik hasten den presarik gabeko bizitza baten erreferentzia direnak. Horrez gain, El Fogon de Alava, Araban Egina ere hurbilduko da Zabalganara.

Kultur egitaraua

• 17:00etan: risoterapia tailerra Paniko Eszenikoaren eskutik. Hobeto bizitzeko barre egitea proposatzen dute, eta barre eginez geure burua deskubritzea eta geure bizitzaz umorez gozatzea.
• 17:00etan: tresna birziklatuen tailerra Trakamatrarekin. Birziklatutako materialak edo exean ditugunak erabiliz, tailerrak musika-tresnen eraikuntzan murgiltzea proposatuko du.
• 18:00etan Matraka Ma Non Tropo ikuskizuna. Ikuskizun musikal honetan, gizarte honek baztertzen dituen objektuak musika tresna zoragarri bihurtzen dira.
• 19:00etan “Recetando Sonrisas” antzerkia, ilusioz, umorez, musikaz eta energia positiboz betetako animazio antzeztua, bizitza ikusteko modu berri bat bultzatu nahi duena.
• 20:00etan musika animazioa Swing Kollective taldearekin.