Gasteizko Udalaren Gazteria Zerbitzutik gonbidatu nahi zaituztegu "Gazteak, COVID eta ongizate emozionala" jardunaldietan parte hartzera . Jardunaldiotan, pandemia honek gazteengan izan dituen ondorioak aztertuko ditugu.

Lehenengo ekitaldia azaroaren 4an izango da, 10:00etan, Aldabe gizarte etxeko ekitaldi aretoan. Mahai-inguru batean hainbat adituek COVID-ek gazteen osasun mentalean eta emozionalean izan dituen ondorioak azalduko dituzte.

Aldabe gizarte-etxeko ekitaldi aretoan ere, azaroaren 4an bertan, 18:00etan, “Erresilientzia COVID garaian eta ezbeharren aurrean” izeneko hitzaldia izango da. Bertan sakonduko da, pertsonok eta, bereziki, gazteok osasun-krisiak planteatu dizkigun egoera gogorrak gainditzeko dugun gaitasunean.

Bi saio hauetarako sarrera librea eta doakoa izango da, lekuak bete arte.

Azkenik, jardunaldiak osatzeko gazteei zuzendutako doako 4 tailer egingo dira, antsietatea edo harremanetarako zailtasunak bezalako kasuak lantzeko. Tailer horietara joateko, izena eman behar da aldez aurretik udalaren webgunearen bidez.

Jardunaldien orrian aurki dezakezue informazio guztia.