A | A | A | O | O | L | I |
---|---|---|---|---|---|---|
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
31 |
Ikastaroak, Tailerrak
2017ko martxoan, (H)ABIAN 2030 aurkeztu zen, gizarte-eraldaketarako hezkuntzaren euskal estrategia, hainbat eragilerekin elkarlanean aritu ondoren. Estrategia horrek, hain zuzen ere, gizartea eraldatuko duen hezkuntza sustatzeko jorratu behar diren lan-ildoak edo indar-ideiak ezartzen ditu.
2018an burutu genituen hezkuntza eraldaketarako jardunaldietan “Norekin eta zertarako hezi? Gizarte-eraldaketarako hezkuntzaren subjektu kritikoak” lehendabiziko lan-ildoa landu genuen: “herritartasun global jasangarria eta bidezkoa lortzeko alternatibak bilatu eta eraikitzen dituzten subjektuei laguntzea”.
Bigarren jardunaldi hauetan “PEDAGOGIA POLITIKARIK GABE? Zenbait hausnarketa herri-hezkuntzatik, metodologia feministetatik eta metodologia dekolonialetatik abiatuta”, bigarren lan-ildoa landuko dugu “Sustatu eta bultzatu ikuspegi politiko-pedagogikoa Hezkuntza Eraldatzailean”. Jardunaldiak, 2018an bezala, Garapenerako Lankidetzaren Euskal Agentziak, HEGOA Institutua eta Euskadiko GGKEen Koordinakundearen artean antolatu dira. Jardunaldi hauen proposamena, bigarren indar-ideaia edukiz, esperientziaz eta hausnarketaz betetzea da. Zehazki, herri-hezkuntzatik, metodologia feministetatik eta metodologia dekolonialetatik egiten ari diren ekarpenak ezagutuz.
Antolakuntza-lanetan ibili garen hiru erakundeok ilusio handiz diseinatu eta landu dugun egitasmo honetan parte hartzera animatzen zaituztegu.
Apuntatzeko eta Aterpetxearen informaziorako idatzi: hezkuntza@ongdeuskadi.org
Etorriko zarelakoan, eskerrik asko.