Ikasturtean zehar Alde Zaharreko haur eta gazteak gure esparru publikoen gabezi eta dohaien inguruan hausnartzen egon dira. Etxanoben, Rafa plaza eta Martin ttipian jolastu eta jolastu ibili dira eta ondoren esparru hauetan jolas ingurune desberdinak amestu dituzte, maketa desberdinak eginez.

Orain proposamen hori,  zuekin guztiokin konpartitu nahi dugu eta Zaharraz Harroko egitarauaren baitan egitea ezin aproposagoa iruditu zaigu. Proposamen bera udaletxeari aurkeztuko diogu egunotan, Hobetuz programaren baitan egikaritzeko aukera egon dadin 2018 urtean zehar.