Mezu honen bitartez, ekainaren 17an, larunbatean, aniztasun funtzionala duten pertsonen azalean jartzeko antolatu dugun ekintzan parte hartzera gonbidatzen zaitugu.

“Janeren ibilbidea. Dibertsitate Funtzionalari buruzko saio berezia” Gasteizko erdiguneko kaleetan zehar garatuko da goizean zehar, desgaitasunen bat duten pertsonen eremuan lan egiten duten elkarteen eskutik.

Jardueraren helburua hiritarrok mugikortasun arazoei buruz sentsibilizatzea da eta, era berean, pertsona guztientzako eskubide eta aukera berdintasuna bermatuko duen hiria sortzeari begira lan egiten jarraitzea. 

Horretarako, hiriko gune desberdinetan hainbat jarduera proposatuko ditugu, besteak beste, desgaitasun sentsorialen, adimenaren eta mugikortasunari dagozkienen gainean lanketa egiteko.

Irteera goizeko 11:00etan izango da; Katedral Berriaren aurrean, Prado kalean.