Maider Oleaga gazteak zuzendutako 63 minutuko Iragan gunea Berlin lanak Berlinera eramango gaitu. Beste nonbaitetik –ihes, bila, esperoan– etorritako pertsona ezezagunak hartzen dituen hiria da Berlin. 1941 urtean hiri horretan ezkutatu zen lehen euskal lehendakaria, José Antonio Aguirre, identitate faltsu batekin. 2016 urtean oraindik pertsona ugari iristen dira hirira beren bizitzak berregin nahian. Iragan gunea Berlin lanak jatorri desberdineko bost pertsona irudikatzen ditu, anonimoki Berlingo kaleetan barrena dabiltzala. Bakoitzak beste bizitza bat dauka beste nonbait, eta nora joan aurkitzeko ahaleginetan ari dira.