Cinema/Antzerki
PLATAFORMA ZOOM
1
Libre
Eman izena web mintegian eta entzun amek kontatzeko duten egia, eta egizu bat egiaren eta justiziaren aldeko borrokarekin!
Izen-emateak ZOOM plataforman: https://us02web.zoom.us/webinar/register/WN_EqJGEdH5QnOn0UaUv0S6fg
Kolonbiako gatazka armatuaren esparruan, armada kolonbiarraren kideek herritar errugabeak hil zituzten eta maila-igoera edo ordainen truke borrokan baja emanda zeuden gerrillari modura aurkeztu zituzten.
Kasu gehienak Uribe presidente ohiaren gobernu-aldian gertatu ziren, hain zuzen, Juan Manuel Santos Defentsa Ministroa zenean. Erailketa-kanpaina hori “positibo faltsuak” izenaz da ezaguna, eta biktimen kopurua 3.000tik (FIDHren berriemailearen arabera) 10.000ra (The Guardian-ek argitaratutako ikerketarekin bat) bitartekoa da.
WEB ZINEFORUM honek gazte eta pertsona horietako batzuen amek eta senitartekoek abiarazitako borroka babesten du. Izan ere, 10 urte baino gehiago daramatzate, batetik, egia, justizia eta ez errepikatzeko bermeen alde lanean eta, bestetik, egia, justizia eta ez errepikatzearen aldeko borrokan kazetari/dokumentalisten zeregina defendatzen. Omar Vásquez eta Melissa de la Hoz kazetari eta “Las Caras del Horror” dokumentalaren zuzendariek egingo dute elkarrizketa honen zati bat.
"Las Caras del Horror" dokumentalak indarkeria herrestaria du aztergai, nahiz eta kolonbiar gehienentzat anekdota hutsa izan. Dokumental honek oker deitutako “positibo faltsuen” sentikortasuna eta balentria azaleratzen ditu, ikusleari jendearen eta komunikabideen arteko distantzia izugarria gogorarazten dion bitartean. Kazetari eta politikari aipagarrien testigantzei uko egin gabe, zigorgabetasuna salatzen du, oraindik delinkuentziaren gaizkiderik nagusiena baita.