Frackin Ez plataforma eta Askapenako kideek TTIP akordioa landu eta neurri zehatzak azaltzeaz bat kapitalismoaren ofentsiban kokatzeko gakoak emango dituzte.

TTIP Europar Batasuna eta Estatu Batuen arteko ituna da, 2013tik hona elite politiko-ekonomikoek ezkutuan negoziatzen ari direna. Asmoa da batetik, esportazio eta inportaziorako bien arteko muga arantzelak desegitea eta bestetik, araudietan, finantza arloan, zerbitzuetan etab. bategite bat ematea, beti ere, transnazionalen mesedetan, araudirik eta molderik atzerakoienak ezarriz. Itunak ondorio agerikoak ekarriko lituzke besteak beste, lan arloan nahiz sindikalean, sozialean, ingurugiro eta elikagaien segurtasunean, finantza sektorean, jabego intelektualean eta arlo juridikoan.