Kamiseta lehiaketa antolatu du GEU elkarteak. Parte-hartzaileek bidaltzen dituzten esaldien artean, euskarazko lelorik originalena zein dibertigarriena aukeratu eta Gasteizko jaietara begira esaldi irabazlea daramaten kamisetak aterako ditugu. 

Whatsapp, Twitter eta email bidez jasoko dira proposamenak uztailaren 13tik 19raEsaldi irabazlearekin 200 kamiseta atera eta salgai jarriko ditu GEU elkarteak

Gaur bertan, uztailak 13, abiatu eta astebetez luzatuko da lehiaketa. Esaldiak proposatzeko azken eguna uztailaren 19a izango da. Proposamenak whatsapp, twitter eta email bitartez jasoko dira. Hala, whatsapp bidez 688819118 telefonora bidali ahal izango dira kamiseta leloak; modu berean, Twitterren #GEUkamiseta traola erabiliz edo @geuelkartea aipatuz; eta, azkenik, geutxosna@gmail.com helbide elektronikoan ere jasoko dira. Lehiaketako esaldi irabazlea uztailaren 22an iragarriko da. Irabazleak berak proposatutako esaldia daraman kamiseta eskuratzeaz gain, afari bat irabaziko du GEU txosnan. Oinarriak www.hirinet.net webgunean kontsulta daitezke.Guztira, 200 kamiseta aterako dira aukeratutako leloarekin eta abuztuaren 1etik 9ra salgai jarriko dira Aihotz plazan kokatuta egongo den GEU txosnan.