Joan den astean, ASAFESek Ikastetxeetan buru osasuna sustatzeko eta nerabeen suizidioa prebenitzeko gida aurkeztu zuen

Gida hau irakasleentzako eta hezkuntza formaleko eta ez-formaleko eragileentzako laguntza-tresna izateko egin da, ikasleekin buru osasuna sustatzeko eta ideiazioa eta jokabide suizida prebenitzeko.

Gidak bi zati ditu:

- Alderdi teoriko bat, honako gai hauei buruzkoa: buru osasuna, buru gaixotasunari eta suizidioari buruzko mitoak, arrisku-faktoreak, faktore babesleak, alerta-seinaleak eta jokabide suizidaren larritasun- edo arriskugarritasun-maila.

- Bigarren zatian, praktikoa, ikasleen buru osasuna eta ongizate emozionala sustatzeko dinamiken sorta proposatzen da.

- Gainera, azken zatian, Arabako Lurralde Historikoko   laguntza-baliabideen zerrenda bat eskaintzen da.

Gainera, jakinarazten dizugu gida honetara formatu digitalean sar daitekeela gure web-orriaren bidez: https://labur.eus/RaKNj paperean, ASAFESekin harremanetan jarriz telefonoz 945.28.86.48, edo e-maila: asafes@asafes.org