"Ezagutu izan ditudan kultura eta herri ugariak dira bizitzak eman didan oparirik onetariko bat eta, nire ustean, planeta honen aberastasunik handiena. Aurkitu ditudan pertsona batzuk hain ezberdinak ziren beste batzuengandik beren ohitura, tradizio eta pentsatu edo bizitzeko moduari dagokionez, ezen beste espezie batekoak zirela pentsa baitzitekeen. Ordea, pixka bat sakontzean, beren kezka eta bizi-irrikei buruz zertxobait ikastean ulertu nuen, aspaldi ulertu ere, kulturazko apaingarri eta maskara baliotsuen atzean, eta are gizarte- eta ekonomia-ezberdintasun bidegabe baina benetakoen atzean ere, arraza bakar bat dagoela: giza arraza, etnia, kultura, kolore eta gizarte-maila ezberdinekin. Baina bat bakarrik. Horrela dela, behingoz, uler dezala. Nahiago nuke, behingoz, uler dezala horrela da. Eta urratu gabe elkarrekin bizi izatea ikas dezala.

Asier Reino