Hitzaldi honetan, sexu- eta genero-aniztasunaren, LGTBI pertsonen eta LGTBIfobiaren tratamendu mediatikoa jorratuko dugu. Halaber, ikusezintasunari helduko diogu. “Hedabideetan agertzen ez dena ez da” esapidea maiz entzuten dugu, hedabideak ez direlako narratzaile hutsak: errealitatea eraikitzen dute.

Hala, kolektibo jakin bat ikusezin egitea sekulako oztopoa da kolektibo horretako pertsonek bizitza duin eta beteak garatu ditzaten, eta, era berean, estigmarako eta diskriminaziorako iturria da.

Hizlaria: Aitziber Pérez de Karkamo Herrán, kazetaria. Hedabide askeetan komunikatzen saiatzen naiz, betaurreko eta luma moreak jantzita.

Dinamitzailea: : Amets Martínez de Heredita, Ikusgune. Gasteizko LGTBI+fobiaren kontrako Behatokia.